د ډاکټر بشپړ مسلکي پروفایل

• دوکتور وحیدالله نبي زاده په ۱۳۹۸ هـ.ل کال کې د سپین غر پوهنتون د معالجوي طب له پوهنځي څخه په اعلی درجه فارغ شوی دی. نوموړي له فراغت وروسته خپلې عملي زده کړې د پاکستان په لاهور کې ترسره کړي او د مسلکي زده کړو او عملي تجربې په ترلاسه کولو کې یې مهم پړاوونه بشپړ کړي دي.
• دوکتور وحیدالله نبي زاده په ۱۳۹۹ هـ.ل کال کې د ثناء حبیبي روغتون د داخله معالج په توګه خپله مسلکي دنده پیل کړه او په همدې کال کې یې د اندوسکوپي (Endoscopy) او کولونوسکوپي (Colonoscopy) په برخو کې عملي زده کړې هم پیل کړې چې په ۱۴۰۱ هـ.ل کال کې یې د دغو برخو دوه کلنه مسلکي روزنیزه دوره په بریالیتوب سره بشپړه او اړوند سند یې ترلاسه کړ.
• نوموړي په ۱۴۰۱ هـ.ل کال کې د سپین غر مومند پنځوس بستریز معالجوي او تدریسي روغتون سره خپله دنده پیل کړه. چې د خپل مسلکي فعالیت ترڅنګ یی د سپین غر پوهنتون د داخله څانګې د استاد په توګه هم دنده ترسره کړې او د اندوسکوپي او کولونوسکوپي د برخې د مسؤل په توګه هم پاتي شوی دی.
• ډاکټر وحیدالله نبي زاده د سپین غر مومند معالجوي او تدریسي روغتون د سرطبابت د مرستیال په توګه هم دنده ترسره کړې ده او د روغتیايي خدمتونو د تنظیم، کلینیکي چارو او مسلکي فعالیتونو په برخه کې یې ونډه اخیستې ده. همداراز یی د خپل مسلکي ظرفیت د لوړولو په موخه په بېلابېلو سمینارونو، ورکشاپونو او علمي کنفرانسونو کې ګډون ترسره کړی دی.
• نوموړی اوس مهال د سپین غر مومند پنځوس بستریز معالجوي او تدریسي روغتون کې د داخله ناروغیو د معالج، اندوسکوپي او کولونوسکوپي د مسؤل په توګه دنده ترسره کوي او د داخله ناروغیو د تشخیص او درملنې، همدارنګه د هاضمي سیستم د ناروغیو د تشخیص په برخه کې عملي او مسلکي خدمتونه وړاندې کوي.

• لیسانس: سپین غر پوهنتون معالجوي طب پوهنځی
• مسلکي ترینینګونه:
• • Diploma in Diagnostic Endoscopy & Colonoscopy
• • HMIS
• • Research Grant
• • Research Methodology

• داخله معالجه GICU, (Internal Medicine) او د بېلابېلو داخله ناروغیو تشخیص او درملنه
• اندوسکوپي (Endoscopy) او د هاضمي سیستم د ناروغیو تشخیص او پروسیجرونه ترسره کول
• کولونوسکوپي (Colonoscopy) او د کولمو د ناروغیو تشخیص او پروسیجرونه ترسره کول
• کلینیکي تدریس او د داخله ناروغیو اړوند علمي موضوعاتو تدریس
• د روغتون د کلینیکي او اداري چارو مدیریت او د سرطبابت په برخه کې تجربه

• عمومي داخله عملي او نظري

• په وخیمو ناروغانو کې د هاضمې سیستم د خرابوالي پر مهال د تغذیی ستراتیژي (سپین غر د طبي علومو ملي څېړنیز ژورنال)

• د معالجې وخت: شنبه تر پنج شنبه – د سهار ۸:۰۰ څخه تر ماښام ۷:۳۰ پورې
• ایمیل ادرس: waheedunabizada45@gmail.com
• اړیکو شمیره:+93730120738