روغتون ستراتیژیک لورې

سپن غر مومند پنځوس بستریز تدریسي او معالجوي روغتون - سپن غر پوهنتون (ننګرهار) تدریسي روغتون - د اصلي او بنسټیزو دندو مؤثر او اغېزناک ترسراوي او د روغتون پايښت د تأمينولو په موخه اوږد مهاله پلانونه جوړوي. په دې لړ کې روغتون د سپین غر پوهنتون د پنځه کلنو ستراتېژیکو اهدافو په رڼا کې - چې د لوړو زده کړو وزارت د اهدافو پر بنسټ رامینځته شوي - د داخلي او بهرني چاپيريال له مطالعه کولو وروسته د راتلونکو پنځو (۱۴۰۳ – ۱۴۰۷) کالونو لپاره ستراتېژیک پلان ترتیب کړی چې د روغتون د (۱) ګڼه (۱۴۰۳/۰۱/۱۵) نېټې اداري شورا او د پوهنتون په (۲) ګڼه (۱۴۰۳/۰۱/۲۹) نېټې علمي شورا کې رسماً تائید شوی دی.