د ډاکټر بشپړ مسلکي پروفایل

• متخصص دوکتور حبیب الرحمن مشواڼی د سپین غر پوهنتون د معالجوي طب پوهنځي فارغ دی او د ستاژ (House Job) دوره یی د پېښور په لېډي ریډنګ روغتون (Lady Reading Hospital) کې بشپړه کړې، متخصص دوکتور حبیب الرحمن مشواڼي د زړه ناروغیو (کارډیالوژۍ) په برخه کې پنځه کلنه تخصصي دوره د پاکستان په لاهور یونیورسیټي آف هیلت ساینسیز (University of Health Sciences – UHS) کې په بریالیتوب سره پای ته رسولې ده.
• نوموړی د زړه ناروغیو (کارډیالوژۍ) په برخه کې متخصص ډاکټر دی او د زړه د ناروغیو د تشخیص، درملنې او انټروینشنل کارډیالوژۍ (Interventional Cardiology) په برخه کې پراخه پوهه او کاري تجربه لري. نوموړی د زړه د ناروغانو د دقیقې ارزونې او اغېزناکې درملنې ترڅنګ په ایکوکارډیوګرافي (Echocardiography)، د زړه انجیوګرافي (Coronary Angiography)، د زړه انجیوپلاسټي (Coronary Angioplasty)، د دایمي پیس مېکر لګول (Permanent Pacemaker – PPM)، موقتي پیس میکر((TPM او هولټر مانېټرنګ (Holter Monitoring) تخصصي پروسیجرونو کې مسلکي وړتیا لري.
• ډاکټر حبیب الرحمن مشواڼی اوس مهال د سپین غر مومند پنځوس بستریز معالجوي روغتون (د سپین غر پوهنتون تدریسي روغتون) کې د زړه ناروغیو د متخصص (کارډیالوژیست) په توګه دنده ترسره کوي او خپلو ناروغانو ته د نړیوالو طبي معیارونو او اصولو سره سم دقیق، باوري او تخصصي روغتیايي خدمات وړاندې کوي.
• نوموړی د معاصرې کارډیالوژۍ له پرمختللو معیارونو سره سم د خپلو مسلکي مهارتونو، تجربې او ژمنتیا پر مټ هڅه کوي چې د زړه د ناروغیو په دقیق تشخیص، اغېزناکې درملنې او مخنیوي کې غوره خدمتونه وړاندې کړي. هغه د ناروغانو د خوندیتوب، رضایت او د ژوند د کیفیت د ښه والي لپاره ژمن دی او د هېوادوالو د روغتیا په بهتروالي کې اغېزناکه ونډه لري.

• لیسانس:
• سپین غر پوهنتون معالجوي طب پوهنځی
• تخصص: لاهور یونیورسیټي آف هیلت ساینسیز (University of Health Sciences – UHS)کارډیالوژي برخه کې
• مسلکي ترینینګونه:

• • ایکوکارډیوګرافي (Echocardiography)
• • د زړه انجیوګرافي (Coronary Angiography)
• • د زړه انجیوپلاسټي (Coronary Angioplasty)
• • د دایمي او موقتي پیس مېکر لګول (Permanent Pacemaker – PPM & Temporary Pacemaker TPM)
• • د ورزش د زغم ازموینه (Exercise Tolerance Test – ETT)

Comparison of Frequency of Mitral Valve Regurgitation in Anterior Wall Myocardial Infarction

• د معالجې وخت: شنبه تر پنج شنبه – د سهار ۸:۰۰ څخه تر ماسپښین ۲:۰۰ پورې
• ایمیل ادرس: habibmashwani004@gmail.com
• • اړیکو شمیره:0771490647