(روغتیا او خوندیتوب ته پاملرنه)
د روغتون د وروستیو او تازه خبرونو او پرمختګونو په اړه معلومات ترلاسه کړئ
سپین غر مومند پنځوس بستریز معالجوي روغتون (سپین غر پوهنتون تدریسي روغتون) د لابراتوار په څانګه کې د معدې د H. pylori هیلیکوباکتر پایلوري مکروب د تشخیص لپاره د Urea Breath Test (UBT) - د یوریا د تنفسي معاینې نوی ډیجیټلي ماشین نصب او فعالیت یې پیل کړ.UBT یوه غیرتهاجمي او دقیقه معاینه ده، چې د فعال H. pylori د تشخیص او همدا رنګه د درملنې وروسته د مکروب د منځه تلو د تأیید لپاره کارول کېږي.په دې ازموینه کې ناروغ ته د 14 Urea Cځانګړې ماده ورکول کېږي. که په معده کې H. pylori موجود وي، د دې باکتریا Urease یوریا انزایم یوریا تجزیه کوي او CO₂ تولیدوي، چې وروسته بیا په تنفس کې اندازه کېږي او د دې ازموینې حساسیت او ځانګړتیا عموماً له ۹۰–۹۵ سلنې څخه لوړه ده.د ازموینې لپاره مهم شرایط:• لږ تر لږه ۶ ساعته په نهاره اوسېدل؛ د لږې اندازې اوبو څښل عموماً اجازه لري.• د PPI د معدې د تېزاب کموونکي درملو استعمال لږ تر لږه دوه اونۍ مخکې بندول.• د انټيبیوټیک/مکروب ضد درملو او Bismuth لرونکو درملو استعمال لږ تر لږه څلور اونۍ مخکې بندول.• د ازموینې په سهار خوراک، سګرټ او ژاولې نه کارول.د نشراتو مدیریتروغتیا او خوندیتوب ته پاملرنه